АЛМАТЫ. FORBES KAZAKHSTAN - Алматының индустриялық аймағы тұрақты даму бағытында маңызды қадам жасады. Компания 2023 жылғы 4 желтоқсаннан бастап БҰҰ Жаһандық шартының (UN Global Compact) толыққанды қатысушысы болды және ауқымды бастамаға қосылған Қазақстандағы алғашқы индустриялық аймақ болу құқығына ие болды.
Алматы индустриялық аймағы адам құқықтары, қоршаған ортаны қорғау, еңбек қатынастары және сыбайлас жемқорлыққа қарсы күрес саласындағы орнықты даму қағидаттары мен құндылықтарын сақтауға міндеттеме алып, ағымдағы жылдың қазан айында БҰҰ Жаһандық шартына қосылған "Алматы" ӘКК-нің ортақ келісілген даму стратегиясына бейілділігін білдірді.
"Алматы индустриялық аймағы" ЖШС адам құқықтарына, еңбекке, қоршаған ортаға және сыбайлас жемқорлыққа қарсы күреске қатысты БҰҰ Жаһандық шартының он қағидатын қолдайды. Біз осы қағидаттарды ілгерілететін жаһандық шартты қолдауға ниет білдіреміз", - деп атап өтті "Алматы индустриялық аймағы" ЖШС директоры Әлішер Сатыбалдиев.
Біріккен Ұлттар Ұйымының көп жылдық тәжірибесіне, беделі мен мүмкіндіктеріне сүйене отырып, жаһандық шарт компанияға бірқатар практикалық артықшылықтарға, атап айтқанда тұжырымдамалық әзірлемелерге қол жеткізуге, инновациялық әдістермен алмасуға, қоршаған ортаны қорғау, әлеуметтік даму және мемлекеттік басқару жөніндегі жобаларды іске асыруда БҰҰ құрылымдарын қолдауды пайдалануға қол жеткізе отырып, өз қызметін жария және ашық етуге мүмкіндік береді.
Өзіне қабылданған міндеттемелер шеңберінде Алматының индустриялық аймағы жыл сайын БҰҰ-ның жаһандық шартының қағидаттарын сақтау саласындағы өз жұмысының нәтижелері туралы есеп беретін болады.
Естеріңізге сала кетейік, БҰҰ-ның жаһандық шарты корпоративтік әлеуметтік жауапкершілік және тұрақты даму саласындағы әлемдегі ең ірі ерікті бастама болып табылады. Ол әлемнің 167 елінен 23 мыңнан астам қатысушыны біріктіреді.
Дереккөз: Forbes.kz