СПК Алматы инклюзивті білім беру мен ерекше қажеттіліктері бар азаматтарға тең мүмкіндіктер жасау бағытында маңызды әлеуметтік жобаларды іске асыруға белсене қолдау көрсетуде.
2024 жылдың 2 шілдесінде СПК Алматы мен ТОО «РиК» Логопедтер мен Дефектологтар Ассоциациясы арасында арендалық келісім жасалып, Ассоциацияға жалпы алаңы 115,8 кв.м. болатын ғимарат ұсынылды. Ғимарат Алматы қаласының Әуезов ауданында, Жетісу-3 ықшам ауданында орналасқан.
Ассоциация сөйлеу және психикалық дамуында бұзылыстары бар балаларға, сондай-ақ инсульт және мидың жарақатын алған ересектерге коррекциялық көмек көрсетеді. Сонымен қатар, «РиК» мамандарды оқыту, ата-аналарға арналған тренингтер өткізу және коррекциялық педагогика саласындағы біліктілікті арттыру үшін халықаралық конференциялар ұйымдастырады.
2024 жылдың 21 желтоқсанында орталық СПК Алматы тарапынан ұсынылған жеңілдік мерзімінде жүргізілген жөндеу жұмыстары аяқталғаннан кейін ресми түрде өз есіктерін ашты.
Қазіргі уақытта орталыққа 20-дан астам бала келіп, жоғары білікті логопедтер мен дефектологтардан кәсіби көмек алады.
СПК Алматы әлеуметтік инфрақұрылымды жақсарту және Алматы қаласының тұрғындарының өмір сапасын арттыру бағытында әлеуметтік жобаларды қолдауды әрі қарай жалғастыруға ниетті.