«Алматы» ӘКК мен КИБ-те сыбайлас жемқорлыққа қарсы хабардарлықты арттыру бойынша іс-шара өтті

2025 жылғы 5 тамызда «Алматы қаласының кәсіпкерлік және инвестициялар басқармасы» КММ-де (КИБ) мемлекеттік қызметшілер мен квазимемлекеттік қызметкерлер арасында құқықтық мәдениет және сыбайлас жемқорлыққа қарсы хабардарлық мәселелеріне арналған ақпараттық-ағарту іс-шарасы өтті.

Кездесудің мақсаты — қызметтік әдеп қағидаттарын нығайту, қазіргі заманғы сыбайлас жемқорлыққа қарсы практикалар туралы білім деңгейін арттыру, сондай-ақ мемлекеттік қызмет жүйесінде сыбайлас жемқорлыққа қарсы тұрақты дүниетанымды қалыптастыру.

Іс-шараға қатысқандар:

• Қазақстан Республикасы Мемлекеттік қызмет істері жөніндегі агенттіктің Алматы қаласы бойынша департаментінің Әдеп жөніндегі кеңесінің мүшесі Камалов Бақтияр Камалұлы;;
• «АМАНАТ» партиясының Алматы филиалының Партиялық бақылау комиссиясы төрағасының орынбасары;
• КИБ қызметкерлері, сондай-ақ «Алматы» Әлеуметтік-кәсіпкерлік корпорациясы» АҚ және басқаларын қоса алғанда, ведомстволық бағынысты ұйымдардың өкілдері.

Кездесу барысында мынаған қатысты өзекті тақырыптар қарастырылды:

• мемлекеттік органдарда қызметтік әдеп пен тәртіп нормаларын сақтау;
• сыбайлас жемқорлық құқық бұзушылықтардың алдын алу және профилактика практикасы;
• шетелдік тәжірибенің табысты мысалдарын қоса алғанда, сыбайлас жемқорлыққа қарсы бастамаларды іске асыру;
• халықпен және әріптестік құрылымдармен ашық және транспарентті өзара іс-қимылды қамтамасыз ету.

Азаматтардың мемлекеттік қызмет институттарына деген сенімінің негізгі шарты ретінде сыбайлас жемқорлыққа қарсы мәдениетті дамытудың маңыздылығына ерекше назар аударылды. Қатысушылар мұндай іс-шаралар тәжірибе алмасуға ғана емес, сонымен қатар мемлекеттік қызметшілердің күнделікті қызметіне әдеп нормаларын іс жүзінде енгізуге ықпал ететінін атап өтті.

Кездесу қорытындысы бойынша қатысушылар алған білімдерін іс жүзінде қолдануға дайын екендіктерін растап, ұйымдастырушыларға алғыстарын білдірді.

Іс-шара жалпы естелік фотосуретпен аяқталды.