Сауда павильонын (қоғамдық тамақтандыру пункттерін) жалға беру туралы хабарландыру.

«Алматы» әлеуметтік-кәсіпкерлік корпорациясы» акционерлік қоғамы (бұдан әрі – Қоғам) сауда павильонын (қоғамдық тамақтану нүктесін) жалға беру бойынша аукционға қатысуға өтінімдер қабылдауды жариялайды.

Аукционды ұйымдастыру және өткізу қағидалары «Алматы» ӘКК» АҚ сайтында (www.spk-almaty.kz) жарияланған. Өтінім берер алдында стационарлық емес сауда объектісінің нақты орналасқан жерімен, оның техникалық сипаттамалары және аукционды өткізу қағидаларымен егжей-тегжейлі танысуды сұраймыз. Егер аукцион жеңімпазы шарт жасасудан жалтарған жағдайда, аукцион жеңімпазы енгізген кепілдік жарна қайтарылмайды. Аукционға қатысуға өтінімдер мөрленген конвертте 5 маусымнан 19 маусымға дейін жұмыс күндері сағат 09.00-ден 17.30-ға дейін, сағат 13.00-ден 14.00-ге дейінге үзіліспен қабылданады. Өтінімдерді қабылдау орны: Алматы қ., Байзақов к-сі, 303, 115-ші кабинет. Байланыс тұлғасы – Қоғамның бас менеджері, Сматаев Жан, телефон нөмірі+7 727 225 18 91 (ішкі 567).

1) № 1 Лот – Алматы қаласы, Алмалы ауданы, Панфилов көшесі, Қазыбек би және Төле би көшелерінің арасындағы (кадастрлық нөмірі 20-311-006-185); (жалға беру мерзімі 2025 жылғы 22 тамызға дейін) мекенжайында орналасқан жалпы ауданы 27 ш.м. стационарлық емес сауда объектісі.

Аукцион ағылшын әдісі бойынша өткізіледі, бастапқы бағасы 1 ай ішінде стационарлық емес сауда объектісін пайдаланғаны үшін 500 000 теңгені құрайды. Аукцион қадамы - бастапқы сомадан 10% (50 000 теңге).

Аукционға қатысушы мынадай талаптарға сай болуы керек:

- ҚР заңнамасына сәйкес кәсіпкерлік субъектісі ретінде тіркелген; - тиісті саладағы жұмыс тәжірибесі кемінде екі жыл; - БКБ сәйкес екінші деңгейдегі банктерде өтінім беру күніне мерзімі өткен берешектің болмауы.

Стационарлық емес сауда объектісіне аукционға қатысуға кепілдік жарна - 500 000 теңгені құрайды;  

Кепілдік жарнаны жөнелтуге арналған деректемелер: е/ш KZ676017131000030012, Қазақстан Халық банкі АҚ банкінде, БСК HSBKKZKX, КБе 17. БСН 100840016104. ТТК - 171.

Қағидаларға сәйкес стационарлық емес сауда объектісін жалға беру бойынша аукционға қатысу үшін қажетті құжаттардың тізбесі:

• осы Қағидаларға №1 қосымшадағы нысанға сәйкес аукционға қатысуға өтінім;
• осы Қағидаларға №2 қосымшадағы нысанға сәйкес өтініш-сауалнама;
• заңды тұлғаны немесе оның филиалын немесе өкілдігін мемлекеттік тіркеу/қайта тіркеу туралы анықтама;
• атқарушы органды тағайындау туралы заңды тұлғаның уәкілетті органының шешімі және бұйрығы;
• жеке кәсіпкерді тіркеу туралы талон;
• өкілдің өкілеттігін куәландыратын құжат (қажет болған жағдайда);
• өтініш берген сәтте салық төлеушінің салық берешегінің, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша берешегінің жоқ (бар) екендігі туралы анықтама;
• осы Қағидаларға №3 қосымшадағы нысанға сәйкес кредиттік есепті алушыға кредиттік есепті беруге кредиттік тарих субъектісінің келісімі; - Сауда павильонын безендіру эскизін, жалпы деректерді, сауда павильонын жайластыру жоспарларын, жабдықтың ішкі орналасу схемасын, дайындау материалдарын, жабдықты өндіруші елді, жұмыс орындарының санын қамтитын жоба бойынша таныстырылым, Сауда павильонының интерьер дизайны;
• кофехананың, қоғамдық тамақтану және балмұздақ пунктінің қызметін ұйымдастыру кезіндегі өнімге сертификат;
• кепілдік жарнаның төленгенін растайтын құжат.