Алматы индустриалық аймағы ЖШС – «Алматы» ӘКК» АҚ еншілес ұйымы. 2015 жылы Алматы қаласындағы жеке кәсіпкерлікке мемлекеттік қолдау көрсету мен өнеркәсіптегі басым салаларды дамыту мақсатында құрылған. Ұйым өнеркәсіптік кәсіпорындарды қаланың тұрғын аудандарынан көшіруге, технологиялық, инновациялық өнімдер шығаруға, импортты алмастыруға бағытталған инвестициялық жобаларға басымдық береді.
Алматы индустриалды аймағы (АИА) Қазақстан Республикасының 2020 жылға дейінгі Стратегиялық даму жоспарына және Қазақстан Республикасының үдемелі индустриялық-инновациялық дамыту жөніндегі 2010-2014 жылдарға арналған бағдарламасына сәйкес құрылды. Индустриалды аймақтың қызметі Кәсіпкерлік кодекспен және «Бизнестің жол картасы 2020» бизнесті қолдау және дамытудың бірыңғай бағдарламасымен айқындалады.