"Алматы" ӘКК қызметкерлері Орталық Азия экологиялық зерттеулер институтымен @caier_kz ұйымдастырылған ESG тақырыбы бойынша корпоративтік тренингке қатысты. Іс-шара қатысушыларда экологиялық, әлеуметтік және басқарушылық аспектілерді (ESG) қамтитын тұрақты даму қағидаттарын жан-жақты түсінуді қалыптастыруға бағытталған. Негізгі назар компанияның бизнес-процестеріне ESG-тәсілдерін біріктіру, ESG-есептілігін әзірлеу, корпоративтік ESG-рейтингін жақсарту және одан әрі трансформациялау үшін стратегиялық қадамдарды анықтау мәселелеріне аударылды.
Тренинг бағдарламасы тұрақты даму мақсаттарының (ТДМ) теориялық базасы мен даму тарихынан бастап, тәжірибелік кейстер мен үздік халықаралық тәжірибелерді талдауға дейінгі көптеген мәселелерді қамтыды. Компания қызметкерлері климаттық тәуекелдерді басқаруды, экологиялық сәйкестік талаптарын және тұрақтылықты реттеу стандарттарын қоса алғанда, ESG негізгі аспектілерін зерттеді, сондай-ақ корпоративтік беделді және бизнестің ұзақ мерзімді тұрақтылығын қалыптастырудағы ESG рөлін талдады.
Бағдарламаның негізгі элементтерінің бірі ESG рейтингтерінің әртүрлі түрлерін, олардың мақсаттары мен әдістемелерін талқылау болды. Үздік халықаралық тәжірибелер үлгісінде қатысушылар ESG-бағалаудың ерекшеліктерімен және оларды пайдалану тәсілдерімен танысты. Орталық Азия экологиялық зерттеулер институтының өкілдерімен бірге қолданыстағы рейтингтік жүйелерге талдау жүргізілді, сондай-ақ ұйымның ESG-көрсеткіштерін жақсарту үшін оларды корпоративтік тәжірибеде қолдану мүмкіндіктері қарастырылды.
"Алматы" ӘКК Орталық Азия экологиялық зерттеулер институтын ұйымдастырудың жоғары деңгейінің арқасында, өз қызметкерлерінің ESG саласындағы білімі мен құзыретінің көлемін едәуір арттыра алды. Тренинг компанияның тұрақты даму стратегиясын қалыптастырудағы және оны ESG халықаралық стандарттарына одан әрі біріктірудегі маңызды кезең болды.