"Алматы" ӘКК кәсіпкерлер мен ірі ауыл шаруашылығы құрылымдары басшыларының қатысуымен Қызылорда облысында егін жинаудың басталуына арналған "Республиканы күріш өнімімен қамтамасыз ету бойынша келісім" атты ауқымды іс-шараға қатысты.
Іс-шараға ҚР Ауыл шаруашылығы министрі Айдарбек Сапаров, облыс әкімі Нұрлыбек Нәлібаев, Парламент Сенаты мен Мәжілісінің депутаттары және облыс әкімінің орынбасарлары қатысты.
Іс-шараға қатысушылар егін жинауға арналған ауыл шаруашылығы техникасымен, облыста өндірілетін агроөнім түрлерімен танысып, мамандармен пікір алмасты.
Іс-шара қорытындысы бойынша азық-түлік қауіпсіздігін қамтамасыз ету мақсатында республиканың әртүрлі өңірлеріндегі кәсіпорындармен меморандумға қол қою рәсімі өтті. Атап айтқанда, "Алматы" ӘКК мен Қызылорда облысының тұз өндірушілері арасында меморандумға қол қойылды.