2024 жылғы 20 сәуірде Алмалы ауданы аумағында "Алматы" ӘКК" АҚ апта сайынғы демалыс күні жәрмеңкесі шеңберінде, оған қатысушыларға Қазақстан Республикасы заңнамасының нормаларын ақпараттандыру және түсіндіру жөніндегі іс-шара өтті. Демалыс күндеріндегі жәрмеңке — әлеуметтік маңызы бар азық-түлік тауарларын жергілікті тауар өндірушілер мен фермерлер ұсынған және ауыл шаруашылығы өнімінен жоғары емес бағамен сату жөніндегі апта сайынғы уақытша сауда алаңдары.
Алматы қаласының құқық қорғау, ветеринарлық органдарының, санитарлық-эпидемиологиялық бақылау және салық салу қызметтерінің өкілдері жәрмеңкеде кәсіпкерлермен түсіндіру жұмыстарын жүргізді.
Алмалы аудандық полиция басқармасының қызметкерлері қауіпсіздікті қамтамасыз ету мәселелерін атап өтті, сатушылар мен сатып алушылардың мінез-құлық ережелерін естеріне салып, қырағылыққа шақырып, азаматтардан кез келген күдікті жағдайлар туралы дереу полицияға хабарлауды сұрады.
Ветеринарлық қызмет мамандары кәсіпкерлерге мал өнімдеріне қажетті ветеринарлық-санитарлық талаптарды жеткізді, ветеринарлық ілеспе құжаттарды ресімдеу, өнімнің жарамдылық мерзімі мен сақтау шарттарын сақтау мәселелерін түсіндірді.
Санитарлық-эпидемиологиялық бақылау департаментінің өкілдері сауда орындарын ұстауға, тамақ өнімдерін сатуға қойылатын санитарлық-эпидемиологиялық талаптар, сондай-ақ жұқпалы аурулардың алдын алу шаралары туралы хабардар етілді.
Салық органдарының қызметкерлері жеке кәсіпкерлерге салық салу, салық салудың оңайлатылған жүйесі, бақылау-кассалық машиналарын қолдану тәртібі мәселелері бойынша кеңестер өткізді, сондай-ақ тіркеу және бухгалтерлік есеп жүргізу тәртібін түсіндірді.
Сонымен қатар, іс-шараға қатысушылар заңнаманың әртүрлі аспектілеріне қатысты сұрақтарға жауап ала алды.
Іс-шара барысында Алмалы ауданы әкімінің орынбасары Руслан Ыдырысов заңдылық пен тәртіпті қамтамасыз ету, сондай-ақ аудан тұрғындары мен қонақтары үшін өнім сапасын арттыру үшін осындай сапарлардың маңыздылығын атап өтті. Руслан Ыдырысов сондай-ақ мұндай кездесулердің кәсіпкерлердің заңнаманың қолданыстағы талаптары туралы хабардар болу деңгейін арттыруға, нарықта өнімнің қауіпсіздігі мен сапасын қамтамасыз етуге ықпал етуге, сондай-ақ салық міндеттемелерінің адал орындалуын ынталандыруға мүмкіндік беретінін атап өтті.
