"Алматы" Әлеуметтік-кәсіпкерлік корпорациясы атынан жобалармен жұмыс жасау департаментінің директоры Ұлан Осербаев еліміздің ең ірі таксомоторлық және прокат саласы — Forum Taxi Kazakhstan 2025 форумына қатысты.
ҚР таксопарктер және курьерлік қызметтер қауымдастығы (АТКС) ұйымдастырған форумға 1000-нан астам адам қатысты. Пікірталастардың негізгі тақырыптарына электромобильдер, такси паркінің дамуы және нарықтың өсу перспективалары кірді.
Экологиялық таза көлікті, ең алдымен электромобильдерді дамытуға ерекше назар аударылды. Ұлан Өсербаев атап өткендей: "Тек Алматыда жылына 50-70 млн литр бензин жағылады. Электр көлігіне көшу қала экологиясына жүктемені азайту үшін өте маңызды."
Осыған байланысты "Алматы" ӘКК қаланы дамытудың негізгі институты бола отырып, мегаполисте электр көлігінің санын арттыру үшін инфрақұрылым құрылысына жәрдемдеседі. Осылайша, электр көлігін дамыту шеңберінде корпорация электр зарядтау станциялары желісін (ЭҚЖ) орнату бойынша бірлескен жобаны іске асыруда.
"Алматы" ӘКК ЭЗЖ орнату үшін 311 учаске бөлді. Барлық станциялар іске қосылғаннан кейін қалада электромобильдерді зарядтауға арналған 622 жаңа паркоорындар болады. Станциялар қала тұрғындарын жаппай тарту орындарында орнатылады", - деп атап өтті Ұлан Өсербаев.
Әр учаскеде конкурстық іріктеуден өткен инвесторлар екі паркоорынға есептелген қуаты 60 кВт-тан бір ЭҚК орналастырады. Инвестордың бір учаскеге ең төменгі салымы 10 млн теңгені құрайды, ал халық үшін 1 кВт зарядтау құны ҚҚС есебімен 100 теңгеден аспайды. Учаскелер инвесторларға ұзартудың басым құқығымен 4 жыл мерзімге берілді.
Бүгінгі таңда Алматыда жеке аумақтарда 300-ден астам ЭҚК орнатылған. Жаңа нысандарды ескере отырып, қала бойынша зарядтау станцияларының жалпы саны 600 бірліктен асады.