"Атамекен" ҚР Ұлттық Кәсіпкерлер палатасы төралқасының төрағасы Раимбек Баталов алматылық кәсіпкерлермен кездесіп, түйткілді мәселелерді талқылады.
"Атамекен" ҚР Ұлттық Кәсіпкерлер палатасы төралқасының төрағасы Раимбек Баталов, Алматы қаласы әкімінің орынбасары Алишер Абдыкадыров және Алматы Кәсіпкерлер палатасы Өңірлік кеңесінің төрағасы Максим Барышев
Шараға жүзден астам алматылық кәсіпкер қатысты. Бизнес мәселелеріне байланысты сұрақтарға қала әкімінің орынбасары Алишер Абдыкадыров, Алматы Кәсіпкерлер палатасы Өңірлік кеңесінің төрағасы Максим Барышев, сондай-ақ ұлттық және өңірлік палаталардың өкілдері жауап берді.
"Алматы" ӘКК-нің атынан Басқарма төрағасының орынбасары Айдын Керімбек болды.
Кездесу әңгімелесу форматында өтті. Бизнесмендер мемлекеттік органдардағы бюрократиялық кедергілерге, микро және шағын бизнес өкілдерінің құзыреттерін дамытуға, әйелдер кәсіпкерлігін қолдауға, логистикаға, сондай-ақ жазғы алаңдардың, спорттық балалар секцияларының және басқа да өзекті тақырыптардың жұмысына қатысты проблемалық мәселелерді атап өтті.
Көтерілген мәселелер "Атамекен" ҰКП сарапшыларымен және Алматы әкімдігімен жұмыс жасау үшін назарға алынды. Жүйелі сипаттағы мәселелердің шешілуі үшін, оларды мемлекеттік органдар деңгейіне көтерілетін болады.
Өз кезегінде, бизнес-қоғамдастық өкілдеріне ұлттық палата қызметінде болып жатқан өзгерістер, мемлекеттік органдармен және әкімдіктермен жұмыс істеудің жаңа тәсілдері және ел үкіметімен қол жеткізілген өзара іс-қимыл туралы шешімдер туралы айтылды.
Тараптар бірлескен жобалар мен жалпы іс - шаралар-форумдар, конференциялар, тренингтер және т. б. ұйымдастыру жолымен кәсіпкерлік қызметті дамыту үшін тұрақты кездесулер туралы уағдаласты.
Жұмысты күшейту үшін қазақстандық бизнестің бәсекеге қабілеттілігін арттыруға, жаппай кәсіпкерлікті ынталандыруға және жұмыспен қамтуды қамтамасыз етуге бағытталған ұзақ мерзімді бағдарламалар әзірленетін болады.