2025 жылғы 2 мамырда «Алматы» әлеуметтік-кәсіпкерлік корпорациясының («Алматы» ӘКК) алаңында «Алматы» ӘКК мен Green Urban қауымдастығы арасындағы ынтымақтастық туралы Меморандумға қол қою, сондай-ақ Smart Plastic Zone жобасына қатысушыларды марапаттау рәсімі секілді Қазақстандағы орнықты даму саласындағы екі негізгі оқиғаны біріктірген салтанатты іс-шара болып өтті.
Меморандум қалалық ортада экологиялық таза, энергияны үнемдейтін және тұрақты шешімдерді ілгерілету жолындағы маңызды қадам болды. Тараптар жасыл стандарттарды енгізу, Smart City және Urban Health тұжырымдамаларын ілгерілету, тұрақты туризмді дамыту, нормативтік бастамаларға қатысу, сондай-ақ қала тұрғындары мен бизнес арасында экологиялық мәдениет деңгейін арттыру үшін білім беру іс-шараларын ұйымдастыру сияқты бағыттарда жұмыс істейтін болады.
«Бұл құжат формальды емес. Ол Алматының орнықты даму саласындағы жаңа бастамалар үшін негіз болып табылады. Оған қол қою арқылы біз жасыл күн тәртібіне, тұрақты тәжірибеге және қаладағы өмір сапасын жақсартуға ықпал ететін серіктестіктерді нығайтуға деген міндеттемемізді растаймыз. Біз бұл ынтымақтастық жаңа бастамалар үшін негіз болатынына және басқа да ұйымдарды осындай қадамдарға шабыттандыратынына сенімдіміз», - деп атап өтті «Алматы ӘКК» АҚ Басқарма төрағасының орынбасары Зоя Қасенова.
«Кока-Кола Қазақстан» компаниясы мен Green Urban қауымдастығының қолдауымен іске асырылатын Smart Plastic Zone жобасы бизнесті пластикалық іздерді қысқартуға, тұрақты тәжірибелерді енгізуге және экологиялық таза шешімдерді пайдалануға ынталандыруға бағытталған.
Жоба аясында танудың екі деңгейі қарастырылған:
SILVER белгісімен белгілі болғандар: «Almaty Finance» ЖШС, «Қазақ элита мектебі ZAMAN» ЖШС, «VBR Property» ЖШС (Villa Boutiques & Restaurants), «GALANZ bottlers» АҚ, «Grandel» ЖШС («Көктөбе» қонақ үйі), «Ақбөбек» РО» ЖШС (мектеп).
GOLD белгісінің иегерлері: «Алматы» ӘКК» АҚ, «Нархоз университеті» КЕАҚ, «KAZGOR Жобалау Академиясы» ЖШС, «DARIN Construction» ЖШС (Mercure Almaty City Centre), «Жетісу қонақ үйі» ЖШС (Ibis және Novotel living Almaty Jetisu), «Қ. Жұбанов атындағы Ақтөбе өңірлік университеті»» КЕАҚ. , «AQSARAIM» ЖШС (Ibis Aktobe Hotel), «Ломбард БЕТА kz» ЖШС.
«Жоба бір жылдың ішінде Астана мен Алматы қалаларынан асып түсті-бізге Қарағанды, Ақтөбе, Петропавл, ШҚО қосылды. Оған Өзбекстан мен Қырғызстанда да қызығушылық танытуда. Бұл өңірдегі экологиялық күн тәртібінің жоғары өзектілігін айғақтайды», - деп атап өтті іс-шара модераторы Юлия Якупбаева, Green Urban қауымдастығының төрағасы
«Тұрақты дамуға жәрдемдесу» орталығының өкілі Жәнібек Мұқанов былай деп атап өтті:
«2012 жылдан бастап Coca-Cola-мен бірлесіп біз 41 мың тоннадан астам пластик қалдықтарын жинап, 27 мың тоннадан астам қайта өңдедік. Smart Plastic Zone компаниялар үшін тиімді тану және ынталандыру құралын ұсынады».
Бағдарламаның жүлдегер-қатысушылары іс-шарада пластикті ауыстырудан бастап тұрақты даму қағидаттарын жүйелі енгізуге дейінгі өз объектілерінде экологиялық тәжірибелерді енгізу кейстерін ұсынды. Барлық баяндамалар бизнестің, мемлекеттің және азаматтық қоғамның тұрақты даму мақсаттарына қол жеткізудегі бірлескен күш-жігерінің маңыздылығын атап өтті.