«Алматы» ӘКК» АҚ еншілес ұйымы – «Almaty Finance» ЖШС металл конструкциялар мен бұйымдарды өндіру жөніндегі кәсіпорынға 219,9 млн теңге бөлді. Жобаны қаржыландыру отандық өндірісті қолдау мақсатында «Almaty Business – 2025» кәсіпкерлікті дамытудың өңірлік бағдарламасы шеңберінде жүзеге асырылады. Қарыз бойынша сыйақы мөлшерлемесі жылдық 6% (ЖЭС) құрайды, 5 жыл мерзімге беріледі.
Алынған қаражатты «Темір ЖБ» ЖШС жабдықтарды сатып алуға бағыттайды: Автоматты қадалау станогы, арматураны ию станогы, лазерлік станок, бұршақ пен табақты июді алып тастайтын түйіспе дәнекерлеу жабдығы. Жабдықтарды сатып алу қарыз алушыға металл бұйымдарын шығару ассортиментін кеңейтуге, технологиялық жарақтандыруды жақсартуға, қалыптарға қызмет көрсету және жөндеу деңгейін арттыруға мүмкіндік береді.
«Алматыда өнеркәсіпті дамытудан басқа, қарыз қаражаты кәсіпорында 15 жаңа тұрақты жұмыс орнын құруды қамтамасыз етеді. Бұдан басқа, жергілікті бюджетке түсетін түсімдер ұлғаяды-компания жыл сайын салық түрінде шамамен 100 млн теңге төлейтін болады», - деп атап өтті «Almaty Finance» ЖШС Басқарма Төрағасы Берік Құсайынов.
Модернизациядан кейін кәсіпорынның жобалық қуаты жылына 500 тоннадан 1020 тоннаға дейін артады. Номенклатуралық тізбе тапсырыс берушілердің кез келген сызбалары бойынша 350 атаудан асады. Негізгі өткізу нарығы Қазақстан болып қала береді. Компания шикізатты Алматы мен Алматы облысының жеткізушілерінен сатып алуды жоспарлап отыр.